ABŞ-nin İran limanlarına qarşı davam edən hərbi blokadası səbəbindən Hörmüz boğazında gəmiçilik üçün risk kritik olaraq qalır.

"Report" xəbər verir ki, bu barədə Böyük Britaniyanın Dəniz Ticarət Əməliyyatları İdarəsi (UKMTO) bildirib.

"Hörmüz boğazından keçən neytral ticarət gəmiləri ABŞ Hərbi Dəniz Qüvvələrinin gəmilərindən minimum 30 dəniz mili (təxminən 56 km) məsafə saxlamalı və təhlükə kimi səhv salınma riskini azaltmaq üçün onların radio rabitəsinə cavab verməlidir", - məlumatda deyilir.

İdarə blokadanın İran limanlarından gələn və gedən bütün trafiki məhdudlaşdırdığını vurğulayıb və gəmidən gəmiyə daşınmaların aparılmasına və ya iştirakına qarşı xəbərdarlıq edib.

"Blokadanın tətbiqi tədbirlərinə blokada qüvvəsinə dərhal tabe olmayan gəmilərin sıradan çıxarılması və atəşə tutulması daxildir", - UKMTO qeyd edib.

Həmçinin qeyd edilir ki, boğazdan keçən gəmiçilik yollarının minalanması və peyk naviqasiya sistemlərinə müdaxilə təhlükəsi qalmaqdadır.

Oxşar xəbərlər

UKMTO: Hörmüzdə dəniz təhlükəsizliyinə təhdid səviyyəsi kritik olaraq qalır

UKMTO: Xarici gəmilərə Hörmüz boğazından çıxmaq üçün güzəştli dövr verilib

ABŞ Hörmüz boğazında 58 ticarət gəmisinin istiqamətini dəyişdirib

İran Hörmüz boğazından keçən gəmiyə yenidən hücum edib – YENİLƏNİB

"Axios": ABŞ hərbçiləri ticarət gəmilərini Hörmüz boğazında müşayiət etməyəcək