İranda denqe qızdırmasına yoluxma halları artıb.

"Sizinxeber.az" xəbər verir ki, bunu İran QİÇS Mərkəzinin rəhbəri professor Mino Məhrəz deyib.

"Bu xəstəliyi daşıyan ağcaqanad çoxdan ölkəyə daxil olub və durğun suda asanlıqla çoxalır", – o bildirib və əlavə edib ki, bu ağcaqanad hətta binaların yuxarı mərtəbələrinə uça bilir və yumurta qoymaq üçün çox az miqdarda suya ehtiyac duyur.

Professorun sözlərinə görə, denqe qızdırması insana ağcaqanad dişləməsi yolu ilə keçir və birbaşa insandan insana ötürülmür:

"İlk yoluxma zamanı xəstəliyin simptomları, adətən, yüngül olur və soyuqdəyməyə bənzəyir, lakin təkrar yoluxmada xəstəlik ağırlaşır, qanaxmalar və hətta ölümlə müşayiət oluna bilər. Bu xəstəlik üçün spesifik dərman yoxdur, buna görə də profilaktika çox böyük əhəmiyyət daşıyır".

Qeyd edək ki, İranda sentyabr ayında denqe qızdırmasına yoluxma sayı artsa da, ölkədə yerli endemik yayılım qeydə alınmayıb.

Oxşar xəbərlər

Ermənistanda Qərbi Nil qızdırmasına 58 yoluxma halı qeydə alınıb

Ermənistanda Qərbi Nil qızdırmasına yoluxanların sayı artıb

Çində denge qızdırmasına 100-dən çox yoluxma qeydə alınıb

Çində dene qızdırmasına 100-dən çox yoluxma qeydə alınıb

Çində çikungunya qızdırmasına 2800-dən çox yeni yoluxma halı aşkarlanıb