Cəlilabad rayonu sakini Mahir Quliyevin təsərrüfatına hücum edən canavarlar 5 baş xırdabuynuzlu heyvanı parçalayıblar.

"Report"un Muğan bürosunun məlumatına görə, ümumilikdə son bir ayda rayonda 40-a yaxın xırdabuynuzlu heyvan canavarların hücumu nəticəsində tələf olub.

Zərər çəkmiş təsərrüfatlarda ümumi maddi ziyanın 50 min manata yaxın olduğu qeyd edilir.

Cəlilabad şəhər bələdiyyəsinin sədri Vahid Mirzəyev vəziyyətdən xəbərdar olduqlarını deyib. Onun sözlərinə görə, hazırda araşdırmalar aparılır və dəqiqləşdirmələr həyata keçirilir.

"Aidiyyəti qurumlarla birlikdə problemin aradan qaldırılması və sakinlərin təhlükəsizliyinin təmin olunması istiqamətində tədbirlərin görülməsi planlaşdırılır", – deyə sədr bildirib.

Oxşar xəbərlər

İmişlidə canavarlar kəndə hücum ediblər

Ağstafada canavarlar fermada 27 qoyunu parçalayıb

Qaxda canavarlar 5 baş qoyunu parçalayıb

Cəlilabadda elektrik dirəkləri aşıb, 10-a yaxın iribuynuzlu heyvan tələf olub

Ağstafada canavarlar fermaya girərək 27 qoyunu parçalayıb