Fransa Prezidenti Emmanuel Makron Azərbaycanla münasibətlərin normallaşdırılması yolunda işləmək niyyətini bir daha bildirib.

"Report"un məlumatına görə, Müstəqillik Günü münasibətilə Azərbaycan Prezidenti İlham Əliyevə ünvanladığı təbrik məktubunda Fransa lideri xatırladıb ki, ötən il oktyabrın 2-də Kopenhagendə görüşdən və bu il mayın 21-də son telefon danışığından sonra, - istər regional məsələlər üzrə dialoq, istərsə də iqtisadiyyat, mədəniyyət və təhsil sahələrində əməkdaşlıq olsun, - bütün sahələrdə ikitərəfli münasibətlərin tam potensialından istifadə etmək üçün onları normallaşdırmaq istiqamətində işləməyə davam etmək niyyətini bir daha bildirmək istəyir.

"Ümid edirəm ki, tərəfdaşlıq ruhunda ikitərəfli münasibətlərimizin inkişafına mane olan son çətinliklərin öhdəsindən gələ biləcəyik", - E.Makron yazıb.

Oxşar xəbərlər

Emmanuel Makron İlham Əliyevi təbrik edib

Makron: Azərbaycanla Ermənistan arasında sülh prosesinə dəstəyimi bir daha bəyan edirəm

İlham Əliyevin Kopenhagendə Fransa prezidenti ilə görüşü olub

Makron: İrəvan və Bakı arasında sülh sazişinin tezliklə imzalanacağına ümid edirəm

Makron sonadək vəzifəsindən əl çəkməyəcək