İtaliya Rumıniya qoşunlarının təlimi çərçivəsində bu ölkəyə Rumıniyaya təxminən 100 əsgər və bir neçə qırıcı təyyarə göndərəcək.

"Report"un məlumatına görə, bu barədə "La Repubblica" xəbər verib.

Əməliyyatın 15 iyunda başlayacağı və bir ay davam edəcəyi bildirilir.

Bu, adi NATO hava polisi missiyasından fərqlənir və Konstansadakı Mixail Koqelniçanu Hava Bazasında keçiriləcək. Rumıniya qoşunlarına dronları vurmaq üçün təlim keçiləcək.

Missiyanı qırıcı təyyarələr müşayiət edəcək, söhbət pilotsuz uçuş aparatlarını vurmaqda ixtisaslaşmış dronlardan gedir.

Qeyd olunur ki, missiya əvvəllər planlaşdırılıb, lakin o, mayın 29-da Rumıniyanın Qalaçi şəhərində Rusiya pilotsuz təyyarəsi ilə baş verən hadisə səbəbindən sürətləndirilib.

Oxşar xəbərlər

Britaniya Hörmüz boğazına qırıcı təyyarələr və hərbi gəmi göndərəcək

Türkiyə Misirə F-16 qırıcı təyyarələri göndərəcək

ABŞ Rumıniyaya F-35 qırıcılarının satışını təsdiqləyib

Rumıniya Rusiya dronlarından qorunmaq üçün NATO-dan HHM sistemi istəyib

Rusiya PUA-ları Rumıniyanın hava məkanına daxil olub