Ev sahibi olan ölkənin rəhbəri kimi düşünürəm ki, hər çıxışa reaksiya vermək və ya senzura tətbiq etməklə məşğul olmamalıyam.

APA xəbər verir ki, bunu Ermənistanın Baş naziri Nikol Paşinyan İrəvanda keçirilən Avropa Siyasi Birliyi sammitində Ukrayna Prezidenti Volodimir Zelenskinin Rusiya ilə bağlı səsləndirdiyi bəyanatlara münasibət bildirərkən deyib.

Paşinyan bildirib ki, bu cür beynəlxalq platformalarda müxtəlif fikirlərin səsləndirilməsi normaldır: “Bu, çoxtərəfli platformadır və insanlar burada öz fikirlərini ifadə etməlidirlər”.

O xatırladıb ki, əvvəllər də belə hallar olub və Ermənistan buna görə reaksiya tələb etməyib.

“Mənim iştirak etdiyim vaxtlarda Rusiya Prezidenti Vladimir Putin də müxtəlif ölkələrə qarşı bəyanatlar verirdi, amma xatırlamıram ki, Rusiya mənim reaksiyamı gözləsin”, - Paşinyan əlavə edib.

Qeyd edək ki, Rusiya Xarici İşlər Nazirliyi Zelenskinin İrəvanda çıxışına etiraz edərək onun Rusiyaya qarşı “qəbuledilməz bəyanatlar” səsləndirdiyini bildirib və İrəvanın bu çıxışa kifayət qədər mənfi qiymət vermədiyini və bunun tərəfdaşlıq münasibətlərinə uyğun olmadığını bəyan edib.

Oxşar xəbərlər

Kreml: Zelenskinin legitimliyi ilə bağlı problemi olmasına baxmayaraq Rusiya danışıqlara açıqdır

Paşinyan: Ukrayna məsələsində Rusiyaya müttəfiq deyilik

Rusiya Prezidenti: Zelenski Moskva ilə danışıqlara qadağa qoymaqla özünü çıxılmaz vəziyyətə salıb

Ukrayna Prezidenti: Moskvada görüş ola bilməz, ən ədalətli məkan Avropadır