Ukraynanın Xarkov vilayətinin Müdafiə Şurası Şevçenkovki icmasının 7 yaşayış məntəqəsindən məcburi təxliyə barədə qərar qəbul edib.

“Report” xəbər verir ki, bu barədə Vilayət Hərbi Administrasiyanın (VHA) rəhbəri Oleq Sinequbov özünün teleqram kanalında məlumat verib.

“Bunlar Baranovka, Berezovka, Novonikolayevka, Spodobovka, Staroveryovka, Duvanka və Fyodorovka kəndləridir”, - o yazıb.

Sinqequbovun sözlərinə görə, bu qərar düşmənin həmin əraziləri intensiv atəşə tutması ilə bağlı olub. Son 2 ayda icmanın PUA və RYAS-lardan atəşə tutması nəticəsində 2 nəfər ölüb, 5 nəfər yaralanıb, 87 şəxsi ev və 27 çoxmənzilli yaşayış binası zərər görüb.

“Ümumilikdə 181 uşağı təhlükəsiz yerlərə təxliyə etməyi planlaşdırırıq”, - Sinequbov qeyd edib.

O bildirib ki, təxliyə olunanların hamısı müvəqqəti mənzillə təmin olunacaq, məcburi köçkün statusu almaqda dəstək görəcəklər, sosial müavinətlərdən və humanitar yardımlardan yararlanacaqlar.

Oxşar xəbərlər

Rusiyanın Xarkovu atəşə tutması nəticəsində 28 nəfər yaralanıb

Ukraynanın Xarkov şəhərinə endirilən zərbə nəticəsində bir nəfər ölüb, yaralılar var - YENİLƏNİB

Ukraynada Xarkov vilayətində hücumlar nəticəsində üç nəfər ölüb, 23 nəfər yaralanıb

Ukraynada Sumı vilayətinin 183 yaşayış məntəqəsinin sakinləri təxliyə edilir

Sumı vilayətindən təxminən 35 min nəfərin təxliyəsi planlaşdırılır