Rusiya Silahlı Qüvvələri son sutkada Ukraynanın Xarkov vilayətinin 9 yaşayış məntəqəsinə müxtəlif növ silahlarla zərbələr endirib.

“Sizinxeber.az” xəbər verir ki, bu barədə Xarkov vilayəti hərbi administrasiyasının rəhbəri Oleh Sinehubov öz teleqram kanalında bildirib.

“Xarkov şəhərində 2 nəfər həlak olub, 18 nəfər yaralanıb; Starı Saltiv qəsəbəsində 46 və 53 yaşlı qadınlar və 30 yaşlı kişi yaralanıb; Kupyansk şəhərində 44 yaşlı kişi yaralanıb; Kazaça Lopan kəndində 60 yaşlı kişi həlak olub, 47 yaşlı kişi yaralanıb”, – Sinehubov yazıb.

Onun sözlərinə görə, Xarkovda atəş nəticəsində 3 fərdi ev, inzibati və qeyri-yaşayış binaları, ippodrom və 3 avtomobil, “Uşaq dəmir yolu” binası zədələnib. Vilayətin Xarkov rayonunda 4 fərdi ev, təsərrüfat tikililəri və qaz təchizatı borusu, Kupyansk rayonunda 2 şəxsi ev və təsərrüfat tikililəri, İzyum rayonunda anbar binası, avtomobil və ekskavator, Çuquyv rayonunda isə 2 avtomobil zədələnib.

Oxşar xəbərlər

Rusiya Xarkov və Sumı vilayətlərini atəşə tutub, ölən və yaralılar var

Rusiyanın Xarkovu atəşə tutması nəticəsində 28 nəfər yaralanıb

Ukraynanın Xarkov şəhərinə endirilən zərbə nəticəsində bir nəfər ölüb, yaralılar var - YENİLƏNİB

Rusiya Dneprə zərbə endirib, ölənlər və yaralananlar var

Xarkovun atəşə tutulması nəticəsində 3 nəfər ölüb, 21 nəfər yaralanıb