Amerikalı sahibkar İlon Mask ABŞ Prezidenti Donald Trampın administrasiyasını tərk edir, burada o, Amerika hökumətinin işinin səmərəliliyinin artırılması üzrə qurumun (DOGE) işinə rəhbərlik edirdi.

“Report” xəbər verir ki, bu barədə “Associated Press” (AP) agentliyi Ağ evin nümayəndəsinə istinadən bildirib.

Agentlik diqqəti ona yönəldir ki, müvafiq qərar Maskın CBS telekanalına müsahibəsində administrasiya tərəfindən təklif edilmiş və ABŞ Konqresinin Nümayəndələr Palatası tərəfindən dəstəklənmiş dövlət xərclərinin azaldılması haqqında qanun layihəsini tənqid etməsindən bir gün sonra qəbul edilib.

“Reuters” öz növbəsində administrasiyadakı mənbəyə istinadən bildirib ki, Maskın hazırkı administrasiyadan çıxma prosesi birbaşa çərşənbə axşamı axşam başlanacaq.

Sahibkarın özü çərşənbə günü sosial şəbəkədə paylaşım edərək qeyd edib ki, “hökumətin xüsusi işçisi kimi ona ayrılmış vaxt başa çatır”. Bununla yanaşı, o, DOGE-nin ABŞ hökumətinin işindəki rolunun zamanla yalnız artacağına əmin olduğunu bildirib.

Oxşar xəbərlər

Maskın Ağ Evdəki vəzifəsindən nə vaxt gedəcəyi məlum olub

AP: Mask Tramp administrasiyasını tərk edir

Navarro Mask ilə münasibətlərdə gərginliyin olmasını təkzib edib

Mask: ABŞ büdcəsi Bayden dövründə 500 milyard dollar itirib

İlon Mask Trampın administrasiyasında təmsil olunmaq istəyir