Almaniyanın Hərbi Dəniz Qüvvələri (Dəniz Qüvvələri) üçün altı ədəd f126 sinif freqatın inşasının tamamlanması ən tez 2030-cu ilə qədər təxirə salınır.

“Report” xəbər verir ki, bu barədə Almaniyanın “Kieler Nachrichten” (KN) qəzeti mənbələrə istinadən məlumat yayıb.

Almaniyanın Hərbi Dəniq Qüvvələri ilk dörd freqatı 2020-ci ildə, daha ikisini isə 2024-cü ilin iyun ayında Niderlandın gəmiqayırma şirkəti “Damen Naval”dan cəmi 9 milyard avroya sifariş edib, gəmilərin birincisi 2028-ci ildə işə salınmalı idi.

"Hərbi Dəniz Qüvvələrini yeni fəlakət gözləyir: donanmanı döyüş gəmisi olaraq gücləndirməli olan altı yeni sinif 126 freqatın inşası təxirə salınacaq. Hazırda insayderlər 2030-cu il üçün tamamlanma tarixi üzərində işləyirlər ", - məqalədə deyilir.

Nəşr iddia edir ki, niderlandlı podratçı sifarişin azı 70 %-nin Alman Gəmiqayırma zavodlarında yerinə yetirilməli olduğu müqavilənin şərtlərindən narazıdır. Ancaq nə Almaniyanın Hərbi Dəniz Qüvvələrinin nümayəndələri, nə də gəmiqayırma şirkəti ortaya çıxan çətinlikləri açıq şəkildə şərh etməyə və yeni dəqiq tikinti bitmə tarixlərini adlandırmağa hazırdır.

Oxşar xəbərlər

Türkiyə Hərbi Dəniz Qüvvələri altı yeni sualtı qayıq alacaq

Hindistan çoxməqsədli sualtı minanı sınaqdan keçirib

Seneqalın Hərbi Dəniz Qüvvələri 76 miqrantın olduğu gəmini saxlayıb