Qəzza zolağındakı bütün xəstəxanaların ən azı 94%-i zədələnib və ya dağıdılıb, anklavın şimalında insanların heç bir tibbi xidmətə çıxışı demək olar ki, yoxdur.

“Sizinxeber.az” xəbər verir ki, bu barədə Ümumdünya Səhiyyə Təşkilatının (ÜST) hesabatında deyilir.

Qeyd olunub ki, Qəzza zolağındakı 36 xəstəxanadan yalnız 19-u ciddi dərman və tibb işçilərinin çatışmazlığına, eyni zamanda təhlükəsizlik problemlərinə baxmayaraq fəaliyyətini davam etdirir.

Onlardan yalnız 12-si müxtəlif tibbi xidmətlər göstərir, qalanları isə yalnız əsas və təcili yardım göstərə bilir.

“Qəzza zolağındakı bütün xəstəxanaların ən azı 94%-i zədələnib və ya dağılıb. 2025-ci il martın 18-də anklavda hərbi əməliyyatların bərpasından bu yana ÜST-nin səhiyyə obyektlərinə 28, 2023-cü ilin oktyabrından isə ən azı 697 belə hücum qeydə alıb”.

Oxşar xəbərlər

KİV: Qəzzada xəstəxanalar ciddi dərman və tibbi ləvazimat çatışmazlığı ilə üz-üzə qalıb

ÜST rəhbəri: Qəzzanın şimalında fəlakətli vəziyyət yaranıb

Qəzzada 2023-cü ilin oktyabrından bu yana 169 jurnalist ölüb

Livanda xəstəxanaların 10 %-i fəaliyyətini dayandırıb

BMT: Qəzzada məktəblərin 88 %-i hücumlar nəticəsində dağıdılıb və ya zədələnib