ABŞ Prezidenti Donald Trampın Qrenlandiyanı ələ keçirmək təhdidləri Danimarkanı getdikcə daha çox narahat edir.

"Sizinxeber.az" xəbər verir ki, bunu Danimarkanın keçmiş baş naziri və NATO-nun keçmiş baş katibi Anders Foq Rasmussen "Politico"ya müsahibəsində söyləyib.

O vurğulayıb ki, Qrenlandiya Danimarkanın bir hissəsidir və qrenlandiyalılar amerikalı olmaq istəmirlər:

"Amerikalı prezidentin müttəfiqi təhdid etməsini utanmazlıq hesab edirəm. Danimarka Birləşmiş Ştatların ən yaxın və ən etibarlı müttəfiqlərindən biridir", - Rasmussen deyib.

Onun sözlərinə görə, son onilliklərdə ABŞ orada baza yaratmaq hüququna malik olsa da, Qrenlandiyada hərbi mövcudluğunu yalnız azaldıb.

"Məsələ ondadır ki, Qrenlandiya NATO-nun bir hissəsidir. Əgər Birləşmiş Ştatlar onun müdafiəsindən narazıdırsa, biz müdafiə sahəsində əməkdaşlığın gücləndirilməsinə görə minnətdar olardıq", - keçmiş baş katib əlavə edib.

Oxşar xəbərlər

NATO: Qrenlandiya Danimarkanın tərkibində qalmalıdır

NATO-nun keçmiş baş katibi Makronu və Şoltsu tənqid edib

Danimarka XİN başçısı: Tramp Qrenlandiyanı əldə etməyəcək

ABŞ dövlət katibinin danimarkalı həmkarı ilə görüşü ləğv edilə bilər

KİV: Trampla Danimarkanın baş naziri arasında Qrenlandiya danışıqları çox pis keçib