ABŞ gələn ilin əvvəlində Prezident Donald Trampın Hindistana səfərinin təşkil olunması üzərində işləyir.

"Report" "Reuters" agentliyinə istinadən xəbər verir ki, bu barədə ABŞ-nin dövlət katibi Marko Rubio Hindistanın IANS Agentliyinə müsahibəsində bildirib.

Onun sözlərinə görə, Vaşinqton Trampın səfərini ABŞ və Hindistan arasında ikitərəfli ticarət sazişinin hazırlanması fonunda təşkil etməyi nəzərdə tutur.

"Prezidentin gələn ilin əvvəlində səfər edə bilməsi üçün işləyirik", - Rubio deyib və səfərə hazırlıq məqsədilə özünün elə bu il Hindistana yollana biləcəyini qeyd edib.

Dövlət katibi, həmçinin bildirib ki, tərəflər ticarət sazişi üzrə danışıqların yekun mərhələsindədirlər.

"Biz Hindistanla ticarət sazişi bağlayacağımıza ümid edirik. Onun icrasının son mərhələsindəyik və bu, çox müsbət haldır", - Rubio qeyd edib.

Oxşar xəbərlər

Rubio Hindistana dördgünlük səfərə gedib

Rubio və Modi ABŞ-Hindistan əlaqələrinin inkişaf yollarını müzakirə ediblər - YENİLƏNİB

Marko Rubio: ABŞ NATO-da qalacaq

ABŞ dövlət katibi Marko Rubio Türkiyəyə səfər edəcək

Marko Rubio: Azərbaycanla Ermənistan arasında imzalanacaq razılaşma sülh sazişi üçün başlanğıc olacaq