Ukrayna iyunun 27-nə keçən gecə Rusiyanın Volqoqrad şəhərindəki "Titan-Barrikadı" zavoduna hücum edib.

"Report" UNIAN-a istinadən xəbər verir ki, hücum nəticəsində müəssisənin ərazisində yanğın baş verib.

Məlumata görə, "Titan-Barrikadı" zavodu "İskəndər-M", "Topol-M" və "Yars" raket kompleksləri istehsal edən Rusiya hərbi-sənaye kompleksinin əsas müəssisələrindən biri hesab olunur.

Nəşr qeyd edib ki, hücum zamanı Ukraynanın uzaqmənzilli "Flaminqo" qanadlı raketlərindən istifadə etdiyi ehtimal olunur.

Volqoqrad vilayətinin qubernatoru Andrey Boçarov təsdiqləyib ki, raket hücumu nəticəsində Volqoqradın Krasnooktyabrski rayonundakı müəssisələrdən birinin istehsal obyektləri zədələnib.

"Hazırda 10 nəfərin xəsarət aldığı məlumdur", - o bildirib.

Oxşar xəbərlər

Volqoqradda neft emalı zavodunda dron hücumundan sonra yanğın baş verib

Ukrayna Orskdakı neft emalı zavoduna və "Transneft"in Permdəki obyektinə hücum edib

Ukraynanın dron zərbəsi nəticəsində Rusiyadakı "Zenzevatka" stansiyasında neftin nəqli dayandırılıb

Rusiya Ukraynanın hərbi aerodromuna zərbə endirib

KİV: Ukrayna PUA-ları Rusiyanın əsas müdafiə zavodlarına hücum edib