Gürcüstanın xarici işlər naziri Maka Boçorişvili ölkəsinin strateji kursunun Avropa İttifaqına inteqrasiya olaraq qaldığını bildirib.

"Report"un yerli bürosu xəbər verir ki, nazir bu barədə Xorvatiyada keçirilən Dubrovnik Forumu çərçivəsində planlaşdırılan panel müzakirəsində iştirak etməzdən əvvəl jurnalistlərə açıqlamasında danışıb.

Boçorişvilinin sözlərinə görə, builki müzakirələr çoxvektorlu diplomatiyaya həsr olunub və bu mövzu Gürcüstan üçün həm coğrafi mövqeyi, həm də geosiyasi reallıqlar baxımından xüsusi əhəmiyyət daşıyır.

O qeyd edib ki, Gürcüstan müxtəlif region ölkələri ilə tərəfdaşlıq əlaqələrini genişləndirir və bunun əsas məqsədi ölkənin regional bağlantı və tranzit imkanlarından daha səmərəli istifadə etməkdir.

Nazir vurğulayıb ki, bu siyasət Gürcüstanın strateji xarici siyasət kursunun dəyişməsi anlamına gəlmir.

"Gürcüstanın strateji seçimi Avropa İttifaqına inteqrasiyadır və bu, bizim üçün mühüm istiqamətdir. Çıxışımda da bu mövqeni açıq şəkildə ifadə edəcəyəm", - deyə Maka Boçorişvili bildirib.

Oxşar xəbərlər

Maka Boçorişvili: Gürcüstanın Avropaya inteqrasiya kursu tarixi seçimdir

Maka Boçorişvili: Cənubi Qafqaz strateji əhəmiyyətə malik bir regiondur

Maka Boçorişvili: Azərbaycan Prezidenti ilə keçirilən görüş olduqca əhəmiyyətli idi

Boçorişvili: Avroparlamentin Gürcüstanla bağlı qətnamələri milli maraqlarımıza qarşı yönəlib

Boçorişvili: Gürcüstan üçün vacib mövzuların gündəmə gətirilməsi baxımından Antalya Forumu mühüm platformadır