Almaniya, Polşa və Fransa liderlərinin ABŞ tərəfindən təmin edilən müdafiə zəmanətlərindən savayı nüvə çətirinin genişləndirilməsinin zəruriliyinə dair bəyanatları ilə əlaqədar NATO-nun baş katibi Mark Rutte Vaşinqtonun öhdəliklərinin dəyişməzliyinə əminliyini ifadə edib.

“Report” xəbər verir ki, bu barədə “İnterfaks” məlumat yayıb.

"ABŞ dövlət katibi Marko Rubio bu həftə Prezident Donald Trampın televiziyada dediyini təkrarlayıb: ABŞ NATO-ya, blokun nizamnaməsinin 5-ci maddəsinə tam sadiqdir", - M.Rutte qeyd edib.

O bildirib ki, bu, ABŞ-nin nüvə çəkindirməsi vasitəsilə NATO ərazisinin, o cümlədən təşkilatın Avropa hissəsinin əsas zəmanətçisi olduğunu özündə ehtiva edir.

"Avropalı həmkarlarımı televizoru açmağa və NATO ilə bağlı müzakirələr aparılanda ABŞ rəhbərliyinin fikirlərini dinləməyə çağırıram", - M.Rutte vurğulayıb.

Oxşar xəbərlər

Mark Rutte NATO-nun baş katibi vəzifəsinin icrasına başlayıb

NATO Baş katibi Almaniyada səfərdədir

NATO Baş katibi müharibəyə hazırlığa çağırıb

NATO-nun Baş katibi Trampla görüşüb

Tramp NATO-nun baş katibi ilə görüşəcək