Rusiya Ermənistandan balıq məhsullarının idxalına qoyulan məhdudiyyətləri genişləndirib.

Bu barədə TASS-a “Rosselxoznadzor”dan məlumat verilib.

Məlumata görə, Ermənistanda daha iki müəssisənin məhsullarının sertifikatlaşdırılması əvvəllər aşkar edilmiş pozuntular aradan qaldırılana qədər müvəqqəti dayandırılıb.

Beləliklə, Rusiya Ermənistandan bütün balıq məhsullarının idxalını dayandırıb.

Qeyd edək ki, iyunun 2-dən etibarən Ermənistandan Rusiyaya balıq idxalı qadağan edilib. Belə ki, qurumdan verilən məlumata görə, Rusiyaya balıq idxalı ilə məşğul olan əksər yerli şirkətlər yoxlamalardan keçməyib və ya yoxlamadan imtina edib, buna görə də pozuntular aradan qaldırılana qədər sertifikatlaşdırma dayandırılıb.

Xatırladaq ki, bundan öncə Rusiya Ermənistandan meyvə-tərəvəz, gül, bir neçə adda konyak və şərab, həmçinin "Cermuk" mineral suyunun idxalını və satışını qadağan edib.

Oxşar xəbərlər

Rusiya sabahdan Ermənistandan balıq idxalını qadağan edir

Rusiya Ermənistandan meyvə-tərəvəz məhsullarının idxalını məhdudlaşdırır

Paşinyan: Rusiyanın Ermənistan məhsullarına tətbiq etdiyi qadağa siyasi təzyiqdir

Rusiya Ermənistandan bir sıra tərəvəz və giləmeyvələrin idxalını məhdudlaşdırıb

Rusiya mayın 22-dən etibarən Ermənistandan gül idxalını məhdudlaşdıracaq