Ukrayna xalqı tələb etməyənə qədər ölkədə prezident seçkilərinin keçirilməsinə ehtiyac yoxdur.

“Report” TASS-a istinadən xəbər verir ki, bunu Avropa Komissiyasının nümayəndəsi Paula Pinyo Brüsseldə keçirilən brifinqdə bildirib.

Onun sözlərinə görə, Zelenski demokratik yolla seçilib və əgər Ukrayna xalqı seçki tələb etmirsə, "başqa heç kim onun keçirilməsini tələb etməməlidir".

Ukrayna ilə ABŞ arasında resurslar haqqında sazişə toxunan nümayəndənin sözlərinə görə, Avropa Komissiyası Kiyevə bildirib ki, bu saziş Ukraynanın üzvlük prosesi çərçivəsində Avropa İttifaqı (Aİ) qarşısında öhdəliklərini yerinə yetirməsi baxımından təhlil edilməlidir.

P.Pinyo qeyd edib ki, Avropa Komissiyası ABŞ ilə sazişin bağlanmasının nəticələri ilə bağlı Kiyevlə məsləhətləşmələr aparmağa açıqdır.

Oxşar xəbərlər

ABŞ-nin Ukrayna üzrə xüsusi nümayəndəsi Ursula fon der Lyayen ilə görüşəcək

Antonio Koşta: Ukrayna və Moldovanın gələcəklərinin Avropa İttifaqında olacağına şübhə yoxdur

Slovakiyanın Baş naziri Avropa Komissiyası ilə qaz tranzitinə dair müzakirələr aparacaq

Aİ Ukrayna ilə üzvlük danışıqlarının birinci mərhələsinə 2025-ci ildə başlamaq niyyətindədir

Avropa İttifaqı Ukraynaya 134 milyard avro ayırıb