İranın BMT-dəki daimi nümayəndəliyinə ABŞ Prezidenti Donald Trampdan İslam Respublikasının ali dini lideri Ayətullah Əli Xameneiyə Tehranın nüvə proqramı ilə əlaqədar danışıqlar təklifi ilə bağlı məktub və ya digər formada mesaj daxil olmayıb.

“Sizinxeber.az” TASS-a istinadən xəbər verir ki, bu barədə İranın BMT yanındakı missiyası məlumat yayıb.

“Bizə belə bir məktub daxil olmayıb”, - agentliyin mənbəsi deyib.

Tramp cümə günü Tehranla razılaşmağa üstünlük verəcəyini bildirib və bir daha söyləyib ki, İran nüvə silahı əldə etməməlidir.

Fevralın 7-də isə Xamenei ABŞ ilə danışıqlar aparmaq lazım olmadığını söyləyib, amerikalıların artıq onun ölkəsini bir dəfə aldatdıqlarını vurğulayıb. O xatırladıb ki, Vaşinqton nüvə sazişini 2015-ci ildə imzalayıb, onun şərtlərini yerinə yetirməyib, anti-İran sanksiyalarını ləğv etməyib və 2018-ci ildə sazişi birtərəfli qaydada pozub.

Oxşar xəbərlər

Tramp Xameneiyə məktub göndərib

İran Avropa ilə nüvə sazişi üzrə danışıqların bərpa olunacağını açıqlayıb

XİN: Maksimum təzyiq siyasəti davam edərsə, İran ABŞ ilə danışıqlara başlamayacaq

Britaniya nüvə proqramına görə İrana qarşı sanksiyaları genişləndirməyə hazırdır

Tramp: ABŞ nüvə proqramı ilə bağlı İranla razılaşmaya üstünlük verir