Fələstinin HƏMAS hərəkatı Qəzza zolağının yenidən qurulması və ya humanitar yardım müqabilində anklavdakı döyüşçülərini tərksilah etmək niyyətində deyil.

“Report” xəbər verir ki, bu barədə hərəkatın nümayəndəsi Sami Əbu Zuhri bildirib.

“Müqaviməti silahsızlaşdırmaq qırmızı xəttdir və bu, müzakirə olunmayacaq. Onun (silahların - red.) yenidənqurma və ya yardım təchizatı ilə dəyişdirilməsinə razı olmayacağıq”, - o deyib.

Qeyd edək ki, yanvarın ortalarında İsrail və HƏMAS Misir, Qətər və ABŞ-nin vasitəçiliyi ilə Qəzzada yanvarın 19-da qüvvəyə minən atəşkəs rejiminin tətbiqi ilə bağlı razılığa gəliblər.

Sazişin icrasının birinci mərhələsi martın 1-də başa çatıb. Razılaşmanın birinci mərhələsində bütün israilli girovlar və öldürülənlərin cəsədləri vətənlərinə qaytarılıb. Bunun müqabilində İsrail 1 500-dən çox fələstinlini həbsdən azad edib, onlardan bəziləri Fələstin ərazilərindən qovulub.

Oxşar xəbərlər

İsrail 183 fələstinli məhbusu azad edib

Qəzza razılaşmasının birinci mərhələsi açıqlanıb: - atəşkəs, əsir mübadiləsi

İsrail şərtlərə əməl etməsə, “HƏMAS” girovları azad etməyəcək