Hindistanın Uttar-Pradeş mərkəzi ştatında keçirilən dini bayramda müvəqqəti səhnənin çökməsi nəticəsində 6 nəfər ölüb, 50-dən çox insan yaralanıb.

“Sizinxeber.az” xəbər verir ki, bu barədə NDTV telekanalı məlumat yayıb.

Məlumata görə, bambukdan hazırlanmış platforma məbədlərdən birinin yaxınlığında quraşdırılıb. Yüzlərlə insan platformaya çıxıb və nəticədə konstruksiya çöküb. Hadisə yerində təşviş yaranıb.

Bildirilib ki, xəsarət alanlar arasında polis əməkdaşları da var. Yaralılar xəstəxanalara yerləşdirilib.

Ştatın Baş naziri Yogi Aditonath hadisə ilə bağlı araşdırma aparılmasına göstəriş verib.

Oxşar xəbərlər

Hindistanda dini məbəddəki izdihamda 6 nəfər ölüb

Hindistanda avtobusun dərəyə aşması nəticəsində ölənlərin sayı 36-ya çatıb - YENİLƏNİB

Uttar-Pradeş ştatında rikşa və yük maşınının toqquşması nəticəsində 11 nəfər həlak olub

Hindistanda avtobusun dərəyə aşması nəticəsində azı 23 nəfər ölüb