Türkiyənin Bolu vilayətinin Kartalkaya dağ-xizək kurortunda baş verən yanğında xəsarət alan 51 nəfərdən 44-ü evə buraxılıb.

"Report" Türkiyə mediasına istinadən xəbər verir ki, bu barədə ölkənin Səhiyyə Nazirliyi açıqlama verib.

Bildirilib ki, xəstəxanada qalan daha 6 nəfərin müalicəsi davam edir, yaralılardan birinin vəziyyəti ağırdır.

Qeyd edək ki, yanvarın 21-də baş verən yanğın zamanı müəssisədə 238 qonaq olub. Hadisə nəticəsində 78 nəfər həyatını itirib. Bununla əlaqədar yanvarın 22-də Türkiyədə birgünlük matəm elan edilib.

Aparılan istintaq çərçivəsində ümumilikdə 14 nəfər saxlanılıb, hotel sahibi Halit Ergül və menecer Emir Aras da daxil olmaqla onlardan 9 nəfəri həbs edilib.

Oxşar xəbərlər

Türkiyədə 78 nəfərin öldüyü hotelin sahibi həbs edilib

Türkiyədə 78 nəfərin öldüyü otelin sahibi həbs edilib

Türkiyədə kurortda baş verən yanğında ölənlərin sayı 79-a çatıb

Türkiyədə hoteldə baş verən yanğın zamanı ölənlərin 36-sı uşaq olub

Türkiyə Səhiyyə Nazirliyi: Hoteldəki yanğında xəsarət alanlardan 29 nəfər xəstəxanadan buraxılıb