Almaniyanın müdafiə konserni olan “Rheinmetall” Ukraynaya daha 20 ədəd “Marder 1A3” markalı piyadaların döyüş maşını (PDM) tədarük etmək üçün sifariş alıb.

“Report” xəbər verir ki, bu barədə şirkətin açıqlamasında deyilir.

“Rheinmetall” texnologiya konserni 2024-cü ilin dekabrında Ukraynaya daha 20 ədəd “Marder 1A3” PDM tədarükü üçün sifariş alıb”, - məlumatda qeyd edilir.

Bildirilir ki, sifarişin dəyəri avro ilə ikirəqəmli milyon diapazonun ortasındadır. Təchizat Almaniya tərəfindən maliyyələşdirilir.

“Rheinmetall” artıq üçrəqəmli sayda “Marder” PDM-ini Ukrayna silahlı qüvvələrinə verib”, - konserndən vurğulanıb.

Qeyd edək ki, “Rheinmetall” konserni Almaniya hökuməti adından bu tipli ilk 20 ədəd PDM-i 2023-cü ilin martında Kiyevə təhvil verib.

Oxşar xəbərlər

Almaniya Ukraynaya AIM-9L raketləri verəcək

Almaniya Ukraynaya daha 17 ədəd zenit-raket kompleksi verəcək

Almaniya Ukraynaya əlavə 400 milyon avro ayırıb

2024-cü il üçün "Ferents Puşkaş" mükafatına layiq görülən qol açıqlanıb