Yaponiyada parlament çoxluğuna malik olmayan koalisiya tərəfindən yaradılan hökumət cari maliyyə ili üçün (2025-ci ilin mart ayının sonunda başa çatır) 13,9 trilyon yen (təxminən 92,7 milyard dollar) məbləğində əlavə büdcə layihəsini qanunverici orqana təqdim edib.

"Sizinxeber.az" xarici KİV-ə istinadən xəbər verir ki, əlavə büdcənin təxminən yarısının istiqrazların emissiyası hesabına təmin edilməsi planlaşdırılır ki, bu da dövlət borcunun daha da artmasına səbəb olacaq.

Əlavə büdcədən 3,4 trilyon yen inflyasiya ilə mübarizəyə, 5,8 trilyon yen iqtisadiyyatın stimullaşdırılmasına, 4,8 trilyon yen isə ictimai təhlükəsizliyin təmin edilməsinə yönəldiləcək.

Dekabrın 21-də parlamentin iclası bitənə qədər əlavə büdcə qəbul edilməlidir. Bununla belə, müzakirələr müxalifət partiyalarının bir sıra tələbləri ilə üzləşə bilər.

Oxşar xəbərlər

Rusiyanın 2025-ci il büdcə kəsiri 10 milyard dolları keçəcək

Ermənistanda 2025-ci il üçün dövlət büdcəsində müdafiə xərcləri 20 % artırılıb

ABŞ-ın büdcə kəsiri rekord həddə çatıb

Çexiyanın dövlət borcu ilin əvvəlindən təxminən 10 milyard dollar artıb

Ukraynanın gələn il dövlət borcu 38,6 milyard dolları keçəcək