İsrailin Baş naziri Binyamin Netanyahu ABŞ və Rusiya prezidentləri Donald Tramp və Vladimir Putin arasında gərginliyin azaldılmasında vasitəçi kimi çıxış edir.

“Report” “Times of Israel”ə istinadən xəbər verir ki, bu barədə Netanyahuya yaxın mənbələr bildirib.

Məlumata görə, Netanyahu və Putin arasında telefon danışıqlarının bir hissəsi ictimaiyyətə açıqlanıb, lakin bəzi təmaslar məxfi olaraq qalır.

Bu məlumat Trampın Rusiyanın sabiq prezidenti Dmitri Medvedevin təcavüzkar bəyanatlarına cavab olaraq ABŞ-nin iki sualtı atom qayığının "müvafiq regionlara" yerləşdirilməsi barədə göstəriş verməsindən bir neçə gün sonra yayılıb.

Bundan əlavə, Tramp xüsusi nümayəndəsi Stiv Uitkoffun Ukrayna ilə atəşkəs danışıqları aparmaq üçün Rusiyaya gedəcəyini bildirib. ABŞ lideri danışıqlarda irəliləyişin əldə edilməyəcəyi təqdirdə yeni iqtisadi sanksiyaların tətbiq ediləcəyi ilə hədələyib.

Oxşar xəbərlər

KİV: Tramp və Netanyahu bu gün telefon danışığı aparacaq

Putin və Netanyahu arasında telefon danışığı baş tutub

Kreml: Putin və Tramp Rusiyaya qarşı sanksiyaları müzakirə etməyiblər

Peskov: Tramp, Putin və Zelenski arasında görüş bu yaxınlarda çətin ki, mümkün olsun

Peskov: Putin və Netanyahu arasında telefon danışığı gözlənilmir