ABŞ Dövlət katibi Marko Rubio Birləşmiş Ştatların Vaşinqton sülh sammitinin məqsədlərini irəlilətməyə sadiq olduğunu bildirib.

"Report"un məlumatına görə, Dövlət Departamentinin rəhbəri bu barədə Ermənistanın Baş naziri Nikol Paşinyanın partiyasının parlament seçkilərində qələbəsindən sonra "X" sosial şəbəkəsində yazıb.

"Biz tarixi Vaşinqton sülh sammitinin məqsədlərini irəlilətməyə, o cümlədən "Beynəlxalq sülh və rifah naminə Tramp Marşrutu"nun (TRIPP) reallaşdırılmasına sadiqik. Cənubi Qafqaza və onun hüdudlarından kənara sülh, sabitlik və rifah gətirmək üçün birlikdə işləməyi səbirsizliklə gözləyirik", - Rubio qeyd edib.

Xatırladaq ki, iyunun 7-də Ermənistanda parlament seçkiləri keçirilib. Bülletenlərin 100 %-nin emalının yekunlarına əsasən, baş nazir Nikol Paşinyanın "Vətəndaş Müqaviləsi" Partiyası seçicilərin 49,83 % səsini toplayıb.

İkinci yeri iş adamı Samvel Karapetyanla əlaqəli olan və 23,28 % səs toplayan "Güclü Ermənistan" Partiyası tutub. Keçmiş prezident Robert Köçəryanın rəhbərlik etdiyi "Ermənistan" bloku isə 9,93 % səs alıb.

Oxşar xəbərlər

Ermənistanda parlament seçkilərinin yekun nəticələri iyunun 14-də açıqlanacaq

Rubio TRIPP layihəsini Cənubi Qafqazda sülh və firavanlığa doğru "mühüm addım" hesab edir

"Exit-poll": Paşinyanın partiyası seçkilərdə səslərin 56,7%-ni toplayıb

Mirzoyan: Ermənistan ABŞ ilə TRIPP üzrə çərçivə sazişi imzalayıb

Saar: Ermənistanla Azərbaycan arasında sülh regionda sabitlik və əməkdaşlığı möhkəmləndirəcək