BMT Baş katibi Kamboca ilə Tailand arasında atəşkəs razılaşmasını alqışlayıb.

“Report”un ABŞ bürosu xəbər verir ki, bu barədə Baş katibin sözçüsünün müavini Farhan Haq jurnalistlərə açıqlamasında deyib.

F.Haq bildirib ki, Baş katib atəşkəs razılaşmasını iki ölkə arasında mövcud gərginliklərin azaldılması və döyüş əməliyyatlarının dayandırılması istiqamətində müsbət addım kimi alqışlayır: “Baş katib hər iki ölkəni razılaşmaya tam şəkildə əməl etməyə və uzunmüddətli problemlərin həlli, davamlı sülhə nail olunması üçün əlverişli bir mühit yaratmağa çağırır”.

O, əlavə edib ki, BMT barışın əldə olunmasında rol oynayan Malayziyanın, eləcə də ABŞ və Çinin vəziyyətin dinc yolla həlli istiqamətində göstərdikləri səyləri yüksək qiymətləndirir. BMT bölgədə sülh və sabitliyin təşviqinə yönəlmiş səyləri dəstəkləməyə hazırdır.

Oxşar xəbərlər

Vaşinqton Tailand və Kamboca arasında atəşkəs razılaşmasını alqışlayır

ÜST rəhbəri Kamboca ilə Tailand arasında atəşkəs razılaşmasını alqışlayıb

Tailand Kamboca ilə atəşkəs razılaşmasını təsdiqləyib

Rubio: Kamboca və Tailand arasında atəşkəs üzrə danışıqlar tezliklə başlayacaq

Quterreş Kamboca ilə Tailand arasında gərginliyin artmasından narahatdır