Dünya Bankı URC-2025 zamanı Xarkov və Ukraynanın digər altı şəhərinin isitilməsinin dəstəklənməsi üçün 116 milyon dollar qrant maliyyələşdirməsi elan etməyi planlaşdırır.

“Report”un “İnterfaks-Ukrayna”ya istinadən verdiyi xəbərə görə, bu barədə Şərqi Avropa üçün İnfrastruktur və Davamlı İnkişaf Proqramının rəhbəri Sevara Melibayeva bildirib.

“URC-də biz İcma və Ərazilərin İnkişafı Nazirliyi ilə birlikdə istilik sektoruna, eləcə də daha altı şəhərə dəstək vermək üçün Xarkova əlavə 116 milyon dollar qrant maliyyəsi təqdim edərək dəstəyin genişləndirilməsini elan edəcəyik”, - o Romada keçirilən URC-2025-də Ukraynada enerji dayanıqlığına və bərpasına sərmayə qoyuluşu ilə bağlı panel müzakirəsi zamanı deyib.

Melibayeva əlavə edib ki, 2025-ci ilin dekabr ayında Dünya Bankının yardımı ilə artıq Xarkova ümumi gücü təxminən 60 MVt olan 12 mobil kogenerasiya qurğusu və 200 MVt gücündə konteyner qazanxanası gətirilib.

O, bunu əhalinin tələbatını ödəmək üçün alternativ adlandırıb, çünki iri istilik elektrik stansiyaları hazırda təmirdən kənardadır. (Rusiya Federasiyasının hücumlarından sonra - red.).

Oxşar xəbərlər

Dünya Bankı Ukraynaya 432 milyon dollar ayıracaq

ABŞ Ukraynaya təxminən 300 milyon dollar ayıracaq

Dünya Bankı Ukraynaya 454 milyon dollar ayıracaq

Dünya Bankı Bakının davamlı inkişaf layihəsinin hazırlanması üçün 2 milyon dollar ayırıb

Dünya Bankı Ukraynaya daha 600 milyon dollar vəsait ayıracaq