Çexiya paytaxtı Praqada bir neçə min insanın iştirakı ilə İctimai-hüquqi televiziya və radionun maliyyələşdirilməsinə həsr olunmuş nümayiş keçirilib.

"Sizinxeber.az" xəbər verir ki, bu barədə CTK agentliyi məlumat yayıb.

Məlumata görə, nümayişdə təxminən 10 000 nəfər iştirak edib. İştirakçılar Praqanın mərkəzindəki Köhnə Şəhər Meydanından Klarov rayonundakı hökumət binasına qədər yürüş ediblər.

Etirazçılar ictimai-hüquqi medianın maliyyələşdirilməsi sisteminin yenidən nəzərdən keçirilməsi planlarına qarşı olduqlarını bildiriblər və "Avtomobilistlər" siyasi hərəkatını təmsil edən mədəniyyət naziri Oto Klempirjin istefasını tələb ediblər.

Təşkilatçılar təxminən 180 000 vətəndaşın maliyyələşdirmə dəyişikliklərinin ləğv edilməsinə çağıran petisiya imzaladığını bildiriblər.

Analoji aksiyalar bir həftə əvvəl Çexiyanın 12 administrativ mərkəzində, 5 mayda isə Praqada baş tutub.

Etirazlar "Demokratiya üçün bir milyon an" vətəndaş təşəbbüsü tərəfindən təşkil olunur. Mitinqlərdə dövlət mediasının müstəqilliyinin qorunması tələb olunur.

Oxşar xəbərlər

Praqada minlərlə insan ölkə mediasının maliyyələşdirilməsinə baxılma əleyhinə aksiya keçirib

Çexiyalı fermerlər mayın 22-də Praqada etiraz aksiyası keçirəcək

Almaniyada sağçılara qarşı nümayişdə 200 mindən çox insan iştirak edib

İrəvanda vergilərin artırılmasına qarşı etiraz aksiyası keçirilir

İspaniyada daşqınların fəsadlarına görə yüz mindən çox insan etiraz aksiyasına çıxıb