Atom Enerjisi üzrə Beynəlxalq Agentliyinin (AEBA) baş direktoru Rafael Qrossi mayın 25-dən 27-dək Qazaxıstanda səfərdə olacaq.

"Sizinxeber.az" xəbər verir ki, bu barədə Qazaxıstan Xarici İşlər Nazirliyindən bildirilib.

Səfər zamanı onun Prezident Kasım-Jomart Tokayevlə danışıqlar aparması planlaşdırılır.

Qazaxıstanın AEBA ilə yaxın 10 il ərzində əməkdaşlığının dərinləşdirilməsi üzrə yol xəritəsinin, eləcə də elm və nüvə təbabəti sahəsində bir sıra digər sənədlərin imzalanması gözlənilir. R.Qrossi daha əvvəl - 2023-cü ildə Qazaxıstana səfər edərək Tokayevlə danışıqlar aparıb.

2024-cü ildə ölkədə referendum keçirilib və iştirakçıların əksəriyyəti ilk atom elektrostansiyasının tikintisini dəstəkləyib. Qazaxıstan hakimiyyəti "Rosatom"u layihənin icrası üzrə beynəlxalq konsorsiumun lideri seçib və AEBA ilə sıx əməkdaşlıq planlarını açıqlayıb. Mayın 20-də R.Qrossi BMT Təhlükəsizlik Şurasının iclasında Fars körfəzi regionuna səfər etmək planlarını açıqlayıb.

Mayın 11-də Kasım-Jomart Tokayev Braziliyanın xarici işlər naziri Mauro Vieyra ilə görüşdə Qazaxıstanın beynəlxalq razılaşmalar olduqda İranın nüvə probleminin həllinə kömək etməyə hazırlığını elan edib.

Zənginləşdirilmiş uranın İrandan çıxarılması məsələsi Tehran və Vaşinqton arasında danışıqlarda müzakirə olunur. Daha əvvəl ABŞ Prezidenti Donald Tramp gələcək saziş üçün ümumiyyətlə razılaşdırılmış layihə elan edib və region ölkələrinin bir sıra liderləri ilə danışıqlar aparıb. "CBS News" telekanalının məlumatına görə, Vaşinqton İranın nüvə proqramının dayandırılmasında və zənginləşdirilmiş uranın ölkə xaricinə çıxarılmasında israr edir.

Oxşar xəbərlər

Qrossi İranı AEBA ilə əməkdaşlığa çağırıb

Qrossi sabah AEBA-nın İranla bağlı təcili iclasını çağırıb

AEBA-nın baş direktoru gələn həftə Pakistana səfər edəcək

Araqçi Tehranda AEBA-nın baş direktoru ilə danışıqlar aparıb

AEBA və “Rosatom” rəhbərləri Zaporojye AES ilə bağlı danışıqlar aparırlar