Dünyada mənzil problemi ilə üzləşən insanların əksəriyyətini qadınlar təşkil edir.

"Report" xəbər verir ki, bunu Barbadosda Birləşmiş Millətlər Təşkilatının Rezident Koordinatoru Simon Sprinqett Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində "Qadınların Dəyirmi Masası: Gender bərabərliyi və qadınların gücləndirilməsi üçün adekvat mənzil təminatı" adlı tədbirdəki çıxışında deyib.

Onun sözlərinə görə, qadınların başçılıq etdiyi ev təsərrüfatlarının sayı kifayət qədər çoxdur:

"Mənzil problemi ilə üzləşən insanların əksəriyyətini qadınlar təşkil edir. BMT gender statistikasının inkişafına, investisiyaların cəlb olunmasına, təhlükəsizliyin təmin olunmasına və iqlim risklərinin nəzərə alınmasına dəstək verə bilər".

S.Springettun fikrincə, bu çərçivədə mövcud reallıqlara uyğun siyasətlər formalaşdırılmalıdır:

"Bunun üçün etibarlı sübutlar və məlumatlar əldə edilməli, məlumatlardan istifadənin təşviqinə xüsusi diqqət yetirilməlidir. BMT məlumat sistemlərinin təkmilləşdirilməsi, eləcə də yaşayış yerlərində təhlükəsizliyin təmin olunması istiqamətində dəstək verə bilər".

Oxşar xəbərlər

BMT rəsmisi: WUF13-də qadınların mənzil təminatına dair sənədlər qəbul olunacaq

Bahar Muradova: Azərbaycan qadınların şəhərsalma proseslərində iştirakını dəstəkləməyə hazırdır

Keniya rəsmisi: Bakıdakı COP konfransları ilə milli icra prosesləri arasında əlaqə yaradılmalıdır

OECD: Dünya mənzil problemi ilə deyil, faktiki olaraq mənzil böhranı ilə üz-üzədir

Anaklaudia Rossbax: "Dünyada bir milyard insanın suya çıxış problemi qalmaqdadır"