Braziliyanın cənub-şərqində yerləşən Minas-Jerays ştatında sərnişin avtobusu ilə yük maşınının toqquşması nəticəsində azı səkkiz nəfər ölüb, daha on insan yaralanıb.

"Sizinxeber.az" xəbər verir ki, bu barədə "CNN Brasil" telekanalı məlumat yayıb.

Məlumata görə, yol qəzası bazar günü səhər tezdən Santa-Krus-di-Salinas bələdiyyəsindəki federal magistral yolda baş verib. Avtobus güclü zərbədən sonra aşıb, hər iki nəqliyyat vasitəsi yanıb.

Regional yanğınsöndürmə xidmətinin nümayəndələri bildiriblər ki, ölənlərin hamısı avtobusun sərnişinləridir, onların arasında körpə də olub. Yük maşınındakı sərnişinlər sağ qalıb.

Yolda nəqliyyatın hərəkəti tamamilə bağlanıb. Hadisə yerində xilasedicilər, tibb işçiləri və kriminalistlər işləyirlər.

Qəzanın səbəbi araşdırılır.

Oxşar xəbərlər

Braziliyada torpaq sürüşməsi nəticəsində 9 nəfər ölüb

ABŞ-da avtobus qəzasında 7 nəfər ölüb, 40-a yaxın insan yaralanıb

Bolqarıstanda avtobusla yük maşınının toqquşması nəticəsində 4 nəfər ölüb

Boliviyada avtobus qəzası nəticəsində 31 nəfər ölüb

Braziliyada ağır yol qəzasında ölənlərin sayı 38 nəfərə çatıb - YENİLƏNİB