Ukrayna Prezidenti Volodimir Zelenski İsveçin ölkəsinə yeni müdafiə yardımı paketi vermək qərarını açıqlayıb.

"Report"un məlumatına görə, bu barədə Ukrayna lideri axşam videomüraciətində bildirib.

"Bu gün İsveçi də qeyd etmək istərdim: yeni müdafiə yardımı paketi ilə bağlı qərar var. Təşəkkür, İsveç!", - o deyib.

O, həmçinin Ukraynanın hava hücumundan müdafiə sisteminin gücləndirilməsi ilə bağlı qərarların qəbulunu sürətləndirmək üçün Almaniya ilə fəal işlədiyini qeyd edib və Latviyaya təqdim olunan müdafiə paketinə görə təşəkkürünü bildirib.

İsveçin müdafiə naziri Pol Yonsson iyulun 3-də bildirib ki, ölkəsi Ukraynanın hərbi ehtiyacları üçün 1,5 milyard kron (157 milyon dollar) ayıracaq.

Daha əvvəl bildirilib ki, Latviya hökuməti ölkənin istehsalı olan 42 ədəd “Patria 6x6” zirehli transportyorunun və onların ehtiyat hissələrinin, eləcə də digər silah və sursatların Ukrayna Silahlı Qüvvələrinə tədarükünə razılıq verib.

Oxşar xəbərlər

İsveç Ukraynanın müdafiə qabiliyyətini gücləndirmək üçün 264 milyon dollar ayıracaq

İsveç Ukraynaya 1,6 milyard dollarlıq yeni hərbi yardım paketi verəcək

Pentaqon Ukrayna üçün 1,7 milyard dollarlıq iki silah paketi elan edib

Pentaqon Ukraynaya 1,7 milyard dollarlıq iki silah paketi elan edib

Danimarka Ukraynanın HHM imkanlarının gücləndirilməsi üçün 293 milyon dollar ayıracaq