Yəmənin "Ənsar Allah" hərəkatından olan husilər ABŞ-nin İsraili İranla münaqişədə birbaşa dəstəkləyəcəyi təqdirdə, onun Qırmızı dənizdəki gəmilərinə və donanmasına zərbələr endirmək niyyətindədirlər.

"Report" xəbər verir ki, bu barədə “Al Masirah” telekanalına müsahibəsində husilərin hərbi nümayəndəsi Yəhya Saria bildirib.

"Əgər ABŞ İsrailin İrana hücumuna cəlb olunarsa, onların Qırmızı dənizdəki gəmilərinə və hərbi donanmasına zərbə endirəcəyik", - o vurğulayıb.

Xatırladaq ki, İsrail iyunun 13-də gecə İranın nüvə proqramına qarşı hərbi əməliyyata başlayıb. İranın cavab hücumu gecikməyib. Növbəti günlərdə İsrail və İran yenidən bir-birinə zərbələr endirib. Hər iki tərəf bu hücumlar nəticəsində ölən və xəsarət alanların olduğunu bildirib.

Oxşar xəbərlər

ABŞ bir həftə ərzində Yəmən ərazisinə 260 zərbə endirib

Husilər “USS Harry Truman” təyyarə gəmisi qrupuna 24 saatda üç dəfə hücum edib

Husilərin nümayəndəsi: "Qırmızı dənizdə ticarət gəmilərinə hücum edəcəyik"

Husilər bir gündə 3 dəfə ABŞ aviadaşıyıcısına hücum edib

Husilər koalisiyaya məxsus döyüş gəmilərinə hücum edəcəklər