Fransa 2026-cı ildəki büdcə kəsiri səbəbilə 40 milyard avro qənaət etməli olacaq

Fransa 2026-cı ildəki büdcə kəsiri səbəbilə 40 milyard avroya qədər qənaət etməli olacaq.

APA xəbər verir ki, bunu Fransanın iqtisadiyyat, maliyyə, sənaye və rəqəmsal suverenlik naziri Erik Lombard "BFM TV"yə açıqlamasında bildirib.

Onun sözlərinə görə, Fransa hökuməti büdcə kəsirini 2026-cı ilə qədər ÜDM-in 4,6%-nə endirməyi planlaşdırır.

“Hazırda dövlət borcumuz 3 trilyon avronu keçib və hər il kreditorlara daha çox vəsait ödəmək məcburiyyətindəyik. Bu səbəbdən büdcə kontekstində artıq fövqəladə vəziyyətlə üz-üzəyik”, – Lombard qeyd edib.

Nazir deyib ki, Fransa hökuməti 2024-cü ildə kreditorlara 50 milyard avrodan çox vəsait ödəyib, cari ildə bu məbləğ 70 milyard avronu keçəcək.