FIFA Ümumnepal Futbol Assosiasiyasının (ANFA) üzvlüyünü dayandırıb.

"Report" xəbər verir ki, bu barədə ali futbol qurumu qərar çıxarıb.

Nepal millisi və ölkənin klubları beynəlxalq turnirlərdə iştirak edə bilməyəcəklər.

Qərar Milli İdman Şurasının (MİŞ) ANFA-nın nizamnamə tələblərini pozmasına, assosiasiyanın seçki prosesinə dair həllini tapmamış mübahisəyə və seçkilərə kənar tərəflərin müdaxiləsinə əsaslanır.

FIFA üzvlüyün bərpası üçün iki əsas tələb müəyyənləşdirib. Birinci tələb MİŞ-nin ANFA İcraiyyə Komitəsinin fəaliyyətini üç ay müddətinə dayandırmaq barədə qəbul etdiyi qərarın tam və qeyd-şərtsiz ləğv edilməsidir. İkinci tələb isə assosiasiyanın artıq başladığı seçki prosesini öz nizamnaməsinə müvafiq qaydada tamamlama imkanının təmin olunmasıdır.

Qadağa növbəti bildirişə kimi qüvvədə qalacaq.

Oxşar xəbərlər

FIFA Rusiya klubları ilə müqavilələri dayandırmaq icazəsini uzadıb

Fələstin FIFA və BOK-a şikayət edib

FİFA Panama Futbol Federasiyasının rəhbərini vəzifəsindən kənarlaşdırıb

FİFA qadınlar komandasının sayını artıracaq

AFFA rəsmisi FIFA-nın sammitində iştirak edir