Venesuelada zəlzələlər nəticəsində ölənlərin sayı 589 nəfərə çatıb.

"Report" Venesuela mediasına istinadən xəbər verir ki, bu barədə ölkənin səlahiyyətli Prezidenti Delsi Rodriqes bildirib.

BMT-nin məlumatına görə, zəlzələlər 6,76 milyon insana təsir göstərib.

09:38

Venesuelada baş vermiş iki zəlzələ nəticəsində ölənlərin sayı 235 nəfərə çatıb, xəsarət alanların sayı isə 4 300 nəfərə qədər artıb.

"Report" xəbər verir ki, bu barədə "teleSURtv" Venesuelanın səhiyyə naziri Karlos Alvaradonun bəyanatına istinadən məlumat yayıb.

İlkin məlumatlara görə, 157 nəfər itkin düşüb, 200 nəfər dağıntılar altında qalıb və 2 927-dən çox ailə zərər çəkib.

Bundan başqa, infrastruktura ciddi ziyan dəyib: 250 bina və 8 xəstəxana zədələnib.

Dağıntıların episentri 100-dən çox binanın çökdüyü və xilasetmə işlərinin aparılması üçün 11 500 təhlükəsizlik xidməti əməkdaşının yerləşdiriləcəyi La-Quayradadır.

Salvador və Dominikan Respublikası artıq yardım briqadaları göndərib, Birləşmiş Ştatlar isə xüsusi əməliyyatların həyata keçirilməsinə icazə verərək onları qüvvədə olan sanksiyalardan azad edib və humanitar təşkilatlar vasitəsilə 150 milyon dollar ayırıb.

Paytaxtda əsas hava limanındakı problemlər səbəbindən hava əlaqəsinin pozulması "Iberia" və "Air Europa" aviaşirkətlərinin reyslərinin ləğv edilməsinə gətirib çıxarıb.

Oxşar xəbərlər

Venesuelada zəlzələ qurbanlarının sayı 188 nəfərə çatıb - YENİLƏNİB

Venesuelada zəlzələ qurbanlarının sayı 164 nəfərə çatıb

Banqkokda zəlzələ nəticəsində ölənlərin sayı 18 nəfərə çatıb

Filippində zəlzələ nəticəsində ölənlərin sayı 78 nəfərə çatıb

Venesuelada zəlzələdə ölənlərin sayı 600-ə çatıb, 3000-ə yaxın yaralı var - VİDEO - YENİLƏNİB-4