Fransa hökuməti 2026-cı ilədək büdcə kəsirini 4,6%-ə endirmək məqsədilə 40 milyard avro qənaət etməyi planlaşdırır.

APA xəbər verir ki, bnu Fransanın iqtisadiyyat, maliyyə, sənaye və rəqəmsal suverenlik naziri Erik Lombard BFMTV telekanalının efirində deyib.

Bu, dövlət xərclərinin azaldılması və yüksək gəlirli şəxslərə tətbiq ediləcək yeni vergilər hesabına həyata keçiriləcək.

Erik Lombardın açıqlamasına görə, 2026-cı ildə büdcə kəsirinin ÜDM-in 4,6%-nə endirilməsi üçün əlavə 40 milyard avro qənaət tələb olunur. Bu addım, ölkənin büdcə kəsirini Avropa İttifaqının müəyyən etdiyi 3% həddinə qədər azaltmaq strategiyasının bir hissəsidir.

Dövlət xərclərinin azaldılması

Qənaətin əsas hissəsi dövlət xərclərinin azaldılması ilə əldə ediləcək. Planlara görə, sosial təminat fondlarının xərcləri 14 milyard avro, yerli büdcələrin xərcləri isə 5 milyard avro azaldılacaq.

Hökumət, illik gəliri 250 min avrodan çox olan təxminən 65 min vətəndaş üçün minimum 20% vergi tətbiq etməyi planlaşdırır. Bu tədbir, dövlət büdcəsinə əlavə 2 milyard avro gəlir gətirəcək.

Sosial xərclərin azaldılmasına baxmayaraq, müdafiə sahəsində xərclərin artırılması planlaşdırılır. 2025-ci ildə müdafiə xərcləri 3,3 milyard avro artırılaraq ÜDM-in 2%-nə çatdırılacaq.

Fransa hökumətinin bu tədbirləri, ölkənin maliyyə sabitliyini təmin etmək və Avropa İttifaqının büdcə qaydalarına uyğunlaşmaq məqsədi daşıyır. Lakin bu tədbirlər, sosial sahədə müəyyən çətinliklərə səbəb ola bilər.

Oxşar xəbərlər

Fransanın baş naziri ölkədə yüksək maliyyə böhranı riski barədə xəbərdarlıq edib

Fransa hökuməti vergilərin artırılması ilə bağlı 53 milyard avroluq tədbirlər hazırlayır

Aİ bu ilin sonuna qədər Ukraynaya əlavə 9 milyard avro verəcək

Aİ Avropa təhlükəsizliyi və Ukrayna üçün 150 milyard avro müdafiə krediti təklif edir

Fransanın müdafiə xərcləri 2025-ci ildə 50,5 milyard avroya yüksələcək