Avropa İttifaqı (Aİ) İranın Rusiyaya ballistik raketlər verməsinə cavab olaraq bu ölkənin aviasiya sektoruna sanksiyaları nəzərdən keçirir.

APA xəbər verir ki, bu barədə Aİ-nin xarici siyasət və təhlükəsizlik məsələləri üzrə ali nümayəndəsi Cozep Borrellin blokun adından verdiyi bəyanatında bildirilib.

Bəyanatda vurğulanıb ki, İranın Rusiyaya ballistik raket verməsi Avropanın təhlükəsizliyinə birbaşa təhdiddir.

Qeyd olunub ki, Tehranın bu addımı Rusiyanın Ukraynaya qarşı qeyri-qanuni işğalçılıq müharibəsində istifadə etdiyi İran PUA-ları və sursatlarının tədarükü ilə yanaşı, silah təminatında böyük bir eskalasiyadır.

"Bu, Rusiyanın Ukraynaya qarşı ən son hücumları, o cümlədən ballistik raketlər və pilotsuz uçuş aparatları, onun Ukraynaya və onun xalqına qarşı qəddar təcavüzkar müharibəsini davam etdirmək əzmində olduğunu sübut edən, xüsusilə də kritik enerji infrastrukturunu hədəf alaraq, mümkün olan ən yüksək itkini yaratmağa çalışdığı vaxta təsadüf edir. İranın ballistik raketləri indi Ukraynada daha çox itkiyə və dağıntıya səbəb olmaq üçün istifadə oluna bilər", - deyə bəyanatda qeyd olunub.

Borrell vurğulayıb ki, İranın Rusiyanın müharibəsində iştirakı ilə bağlı Avropa İttifaqının mövqeyi həmişə aydın olub: "Avropa İttifaqı ballistik raketlərin Rusiyaya ötürülməsinə qarşı İrana dəfələrlə ciddi xəbərdarlıq edib.

Avropa İttifaqı İrana qarşı yeni və ciddi məhdudlaşdırıcı tədbirlər, o cümlədən İranın ballistik raket və dron proqramlarında iştirak edən şəxslər və qurumların müəyyənləşdirilərək sanksiya tətbiq edilməsi də daxil olmaqla, beynəlxalq tərəfdaşlarla koordinasiyalı şəkildə işləyir və buna sürətlə buna cavab verəcək. Bu kontekstdə İranın aviasiya sektoruna qarşı sanksiyalar nəzərdən keçirilir".

Oxşar xəbərlər

Fransa, Almaniya və Britaniya Rusiyaya ballistik raket tədarükünə görə İrana sanksiyalar tətbiq edəcək

Aİ müttəfiqləri İranın Rusiyaya ballistik raketlər verməsi ilə bağlı kəşfiyyat məlumatlarını paylaşıblar

KİV: İran Rusiyaya 200 ədəddən çox ballistik raket göndərib

Blinken: Rusiya İrandan aldığı ballistik raketləri bir neçə həftə ərzində Ukraynaya qarşı istifadə edəcək

İranın müvəqqəti işlər vəkili Ukrayna XİN-ə çağırılıb