Ukrayna Xarici İşlər Nazirliyi İranın müvəqqəti işlər vəkilini Rusiyaya mümkün raket tədarükü ilə əlaqədar çağırıb.

"Sizinxeber.az" bu barədə Ukrayna mətbuatına istinadən xəbər verir.

Belə ki, İranın Ukraynadakı müvəqqəti işlər vəkili Şəhriyar Amuzəgara Rusiyanın ballistik raketlərlə təmin edilməsi barədə məlumatın təsdiqlənəcəyi təqdirdə nəticələr barədə sərt xəbərdarlıq edilib. İranın Rusiyaya ballistik raketlər tədarük etməsi ilə bağlı məlumatlardan Ukrayna tərəfinin dərin narahatlığı ifadə edilib.

Xatırladaq ki, "The Wall Street Journal" nəşrinin məlumatına görə, Rusiya İrandan qısamənzilli ballistik raketlər alıb. İran BMT-də Rusiyaya raket ötürülməsini təkzib edib. Lakin daha sonra İran deputatı Əhməd Bəxşayeş Ərdestani Tehranın Rusiyaya raket verdiyini təsdiqləyib. O qeyd edib ki, bu, barter müqaviləsinin bir hissəsi olub. Sövdələşmənin digər hissəsi dronların tədarüküdür. Bu gün Aİ-də bildirilib ki, İranın Rusiyaya ballistik raketlər tədarük etdiyini təsdiqləyən kəşfiyyat məlumatları var.

Oxşar xəbərlər

Rusiya İrandan ballistik raketlər alacaq [xfgiven_updateblue][/xfgiven_updateblue]

Aİ müttəfiqləri İranın Rusiyaya ballistik raketlər verməsi ilə bağlı kəşfiyyat məlumatlarını paylaşıblar [xfgiven_updateblue][/xfgiven_updateblue]

Kreml İranın Rusiyaya raket tədarükü ilə bağlı yayılan məlumatlara münasibət bildirib [xfgiven_updateblue][/xfgiven_updateblue]

KİV: İran Rusiyaya 200 ədəddən çox ballistik raket göndərib [xfgiven_updateblue][/xfgiven_updateblue]

İran Rusiyaya silah vermədiyini iddia edib [xfgiven_updateblue][/xfgiven_updateblue]