Tramp Zelenski, Aİ və NATO liderlərini Putinlə danışıqlar barədə məlumatlandırıb

ABŞ Prezidenti Donald Tramp Rusiya Prezidenti Vladimir Putinlə Alyaskada görüşündən sonra Avropa İttifaqı və NATO liderləri ilə telefonla danışıb.

APA xəbər verir ki, bu barədə Avropa Komissiyasının mətbuat xidmətindən məlumat verilib.

Tramp Avropa Komissiyasının sədri Ursula fon der Leyen və NATO-nun baş katibi Mark Rutteyə Rusiya prezidenti Vladimir Putinlə Alyaskada keçirdiyi görüşün nəticələri barədə məlumat verib.

"Prezident Tramp Ursula fon der Leyen, Avropa liderləri və NATO-nun baş katibi ilə telefon danışığı aparıb", - məlumatda deyilir.

Ağ Evdən bildirilib ki, Tramp Ukrayna Prezidenti Volodimir Zelenski ilə də telefon danışığı aparıb. ABŞ lideri ukraynalı həmkarını danışıqların nəticələri barədə məlumatlandırıb. Tramp Zelenskini avqustun 18-də Vaşinqtona səfərə dəvət edib.