İsrailin Baş naziri Benyamin Netanyahu Qəzza sektorunda radikal qruplar tərəfindən saxlanılan girovların azad olunması ilə bağlı danışıqlarda əldə olunan müəyyən irəliləyiş səbəbindən fövqəladə iclas çağırıb.

APA xəbər verir ki, bu barədə İsrail hökümət başçısının ofisi məlumat yayıb.

Məlumata görə, Netanyahu danışıqlar prosesi ilə bağlı son məlumatları almaq və növbəti addımları müzakirə etmək məqsədilə ölkənin müdafiə naziri İsrael Kats, strateji planlaşdırma naziri Ron Dermer, Baş Qərargah rəisi Eyal Zamir və danışıqlar komandası ilə bir araya gəlib.

Danışıqların detalları açıqlanmasa da, hökumət bu istiqamətdə müəyyən irəliləyiş olduğunu təsdiqləyib.

Rəsmi Tel-Əvivin yaxın günlərdə girovların azad olunması ilə bağlı daha konkret addımlar atacağı gözlənilir.

Oxşar xəbərlər

Netanyahu: İsrailli girovların qaytarılması üçün müəyyən irəliləyiş əldə olunub

Netanyahu girovların azad edilməsi üzrə danışıqlarda irəliləyiş olduğunu açıqlayıb

Netanyahu İsrail nümayəndə heyətinə Qəzza danışıqları üçün Dohaya səfər etməyi tapşırıb

Netanyahu: Girovların azad edilməsi üçün intensiv danışıqlar gedir

Netanyahu fələstinli məhbusların azad edilməsi prosesini dayandırıb