“Hizbullah” döyüşçüləri İsrail ordusunun 300-cü ərazi briqadasının qərargahına və səhra düşərgəsinə zərbələr endirmək üçün kamikadze dronlardan istifadə edib.

APA xəbər verir ki, bu barədə təşkilatın “Telegram” kanalında yerləşdirilmiş bəyanatında deyilir.

“Cümə axşamı günü İslam müqavimətinə aid pilotsuz təyyarələr Qərbi Qalileyanın Yaara qəsəbəsinin cənubunda yerləşən 300-cü Ərazi Briqadasının qərargahına və səhra düşərgəsinə hücum edib. Nəticədə düşmən qoşunları canlı qüvvə və texnika itkisinə məruz qalıb”, - deyə bəyanatda deyilir.

Bəyanatda həmçinin hücumun İsrail hərbi hava qüvvələrinin, “Hizbullah” döyüşçülərindən birinin öldürüldüyü, bir neçəsinin isə yaralandığı Kafra kəndini bombalamasına cavab olaraq həyata keçirildiyi bildirilir.

Oxşar xəbərlər

“Hizbullah” lideri İsrail hücumları ilə bağlı Hayfa sakinlərinə xəbərdarlıq edib

İsrail Müdafiə Qüvvələri: “Hizbullah” İsrailə 230 raket və 20 PUA ilə hücum edib

İsrail ordusu “Hizbullah”ın raket sistemlərinə zərbələr endirib