İranın xarici işlər naziri Abbas Əraqçi ilə Rusiyanın xarici işlər naziri Sergey Lavrov arasında telefon danışığı olub.

Sizinxeber.az-nın Tehran bürosunun məlumatına görə, tərəflər söhbət zamanı İslamabad memorandumunu, eləcə də bəzi regional və ikitərəfli məsələləri müzakirə ediblər.

Əraqçi memorandumun detalları barədə məlumat verərək, onun müddəalarının düzgün icrasına görə ABŞ-ın məsuliyyət daşıdığını bildirib. İranlı nazir həmçinin Livana qarşı hücumların tam dayandırılmasının vacibliyini vurğulayıb.

Lavrov isə memorandum mətninin yekunlaşmasını alqışladığını bildirərək, Rusiyanın onun müddəalarının həyata keçirilməsini tam dəstəklədiyini qeyd edib.

Xarici işlər nazirləri beynəlxalq ictimaiyyətin və BMT Təhlükəsizlik Şurasının memorandumun icrasına dəstək verməsinin vacibliyini vurğulayıblar.

Tərəflər həmçinin region ölkələri arasında sülh və sabitliyin möhkəmləndirilməsi məqsədilə diplomatik əməkdaşlığın davam etdirilməsinin zəruriliyini qeyd ediblər.

Oxşar xəbərlər

Lavrov Əraqçiyə İran-ABŞ atəşkəsinin qorunmasının vacibliyini bildirib - YENİLƏNİB

Lavrov Əraqçi ilə İran-İsrail münaqişəsini müzakirə edib

Lavrov iranlı və türkiyəli həmkarları ilə Suriyadakı vəziyyəti müzakirə edib

Hakan Fidan və Abbas Əraqçi İran-ABŞ danışıqlarını müzakirə ediblər

Rusiya XİN Lavrov-Araqçi görüşünün təfərrüatlarını açıqlayıb - YENİLƏNİB