İranın xarici işlər naziri Abbas Əraqçi Avropa İttifaqının xarici siyasət və təhlükəsizlik məsələləri üzrə ali nümayəndəsi Kaja Kallasla telefon danışığı aparıb.

APA-nın Tehran bürosunun xəbərinə görə, Əraqçi Kallasla ABŞ-ın İrandakı bəzi hədəflərə hücumlarından sonra regionda yaranmış son vəziyyəti müzakirə edib.

Əraqçi ABŞ-ın son hücumunu kəskin şəkildə pisləyib, bunu BMT Nizamnaməsinin və beynəlxalq hüququn açıq şəkildə pozulması adlandırıb.

O qeyd edib ki, bu addımlar atəşkəsi təsirsiz edir və bunun doğuracağı təhlükəli nəticələrə görə məsuliyyət ABŞ-ın üzərindədir.

Əraqçi BMT-yə üzv ölkələrin bu addımlar qarşısında susmasını tənqid edib. O xəbərdarlıq edib ki, beynəlxalq səviyyədə passivlik regional və qlobal təhlükəsizliyin daha da pisləşməsinə səbəb olacaq.

Oxşar xəbərlər

Əraqçi Hakan Fidanla regional gərginliyi müzakirə edib

Əraqçi Hörmüz boğazı ilə bağlı Omanla müsbət təmasdan bəhs edib

Əraqçi Nyu-Yorkda BMT-nin iclasına dəvət olunub

İran XİN: Tehran Livan xalqının müqavimət hüququnu dəstəkləyir

Ceyhun Bayramov Kaya Kallasla Azərbaycan-Aİ münasibətlərini müzakirə edib