Tramp Putin və Zelenski ilə üçtərəfli görüşə hazır olduğunu bildirib

ABŞ prezidenti Donald Tramp Rusiya və Ukrayna prezidentləri Vladimir Putin və Volodimir Zelenski ilə görüşdə iştirak etməyə hazır olduğunu bildirib.

Sizinxeber.az xəbər verir ki, Tramp bu barədə Ağ Evdə jurnalistlərlə görüşü zamanı danışıb.

Tramp, ehtiyac yaranarsa üçtərəfli görüşdə iştirakını istisna etməyəcəyini bildirib.

O, həmçinin qeyd edib ki, hazırda Rusiya prezidenti ilə görüşə hazırlıq gedir və əlavə edib ki, onun fikrincə, proses yaxşı gedir, lakin yekun nəticələr daha sonra bəlli olacaq.