BMT Təhlükəsizlik Şurası Suriyada 2254 saylı qətnamənin əsas prinsipləri əsasında inklüziv siyasi prosesin aparılmasına çağırıb.

APA xəbər verir ki, bu barədə BMT Təhlükəsizlik Şurasının yaydığı bəyanatda bildirilib.

Şura üzvləri BMT Baş Katibinin Suriya üzrə xüsusi nümayəndəsi Geyr Pedersenin bu prosesin asanlaşdırılmasında səylərini dəstəklədiklərini bir daha təsdiqləyiblər.

Bəyanatda bütün suriyalıların qanuni istəklərinə cavab verən, onları qoruyan və gələcəklərini sülh yolu ilə, müstəqil və demokratik şəkildə müəyyən etməyə imkan verən bir prosesin zəruriliyi vurğulanıb. Şura həmçinin Suriyanın suverenliyi, müstəqilliyi, birliyi və ərazi bütövlüyü prinsiplərinə sadiqliyini təsdiqləyib və bütün dövlətləri bu prinsiplərə hörmət etməyə çağırıb.

Oxşar xəbərlər

BMT Təhlükəsizlik Şurası Suriya ilə bağlı bəyanat yayıb

Rusiya XİN: Bəşər Əsəd prezident postunu və Suriyanı tərk edib

G7 liderləri Suriyada keçid hökumətini dəstəkləməyə hazır olduqlarını bildiriblər

Rusiya XİN: Suriyanın gələcəyini suriyalıların özlərinin müəyyən etməsi vacibdir

Astanada Suriya münaqişəsinin həlli müzakirə edilib