Qədim sivilizasiyalar iqlim dəyişikliyinə uyğunlaşmaq üçün, xüsusən də su qıtlığı məsələsində müasir həllər mənbəyi ola bilər.

"Sizinxeber.az" xəbər verir ki, bu barədə UN-Habitat-ın İordaniya üzrə proqram rəhbəri Dima Əbu Tiyab Bakıda Ümumdünya Şəhərsalma Forumunun 13-cü sessiyası (WUF13) çərçivəsində keçirilən tədbirdə bildirib.

"Bölgədəki qədim sivilizasiyaların təcrübəsi, xüsusən də su ehtiyatlarının qıtlığı şəraitində müasir iqlim həlləri üçün istifadə oluna bilər", - Dima Əbu Tiyab deyib.

O qeyd edib ki, İordaniyada mürəkkəb su təchizatı sistemləri yaratmış Nəbati sivilizasiyasının irsinə, o cümlədən UNECKO-nun Ümumdünya İrs obyekti olan Petra ərazisinə xüsusi diqqət yetirilir.

"Biz suyu toplamaq üçün onlardan yenidən istifadə etmək məqsədilə bu su sistemlərini, eləcə də Roma mühəndislik həllərini öyrənməyə və bərpa etməyə başlamışıq", - UN-Habitat nümayəndəsi bəyan edib.

Onun sözlərinə görə, tarixi infrastruktur yenidən nəzərdən keçirilə və iqlim dəyişikliyinin fəsadlarına qarşı mübarizə də daxil olmaqla, müasir şəraitə uyğunlaşdırıla bilər.

Əbu Tiyab vurğulayıb ki, qədim sivilizasiyalar bir çox hallarda resurslardan istifadədə müasir şəhər sistemlərinə nisbətən daha dayanıqlı yanaşmalar nümayiş etdiriblər.

Oxşar xəbərlər

İdrissa Di: IDB və UN-Habitat dayanıqlı şəhərlər üçün təbiətyönümlü həllər irəli sürür

Mərakeşdə iqlimə davamlı yaşayış məhəllələri üzrə pilot layihə icra olunacaq

Anaklaudia Rossbax: Azərbaycan WUF13-ün keçirilməsi üçün müstəsna işlər görüb

Minq və Rossbax Bakıda Malayziya və "UN-Habitat"ın əməkdaşlığını müzakirə ediblər

Misirin mənzil tikintisi naziri WUF13-də iştirak edəcək