ABŞ-ın yeni seçilmiş prezidenti Donald Trampın yeni administrasiyada vəzifələr üçün potensial namizədlərdən pul tələb etməkdə şübhəli bilinən hüquq müşaviri Boris Epşteyn Respublikaçılar Partiyasının keçid komandasının bəzi iclaslarında iştirakdan kənarlaşdırılıb.

APA xəbər verir ki, bu barədə “The Wall Street Journal” öz mənbələrinə istinadən məlumat yayıb.

Nəşrin yaydığı məlumata görə, Trampın komandası tərəfindən ona qarşı aparılan proseslər nəticəsində Epşteynin keçid dövrü məsələlərinin müzakirə olunduğu müəyyən görüşlərdə iştirakının qarşısı alınıb.

Epstein özü ittihamları rədd edir. "Bu bəyanatlar yalan və böhtandır və bizi Amerikanı yenidən böyük etmək üçün işimizdən yayındırmayacaq", - “The Wall Street Journal” onun sözlərindən sitat gətirib.

Qeyd edək ki, “Washington Post” daha əvvəl Epşteyn yeni administrasiyaya potensial namizədlərdən ona aylıq məsləhət haqqı ödəmələrini istədiyini yazmışdı.

Oxşar xəbərlər

KİV: ABŞ və Rusiya arasında məhbus mübadiləsi olub, "Wall Street Journal"ın müxbiri azad edilib

“Wall Street Journal”: İran İsraildən qisas almaq niyyətindən dönməyib

Tramp daha bir teleaparıcını öz administrasiyasına gətirmək istəyir

“Bloomberg”: Trampın ətrafı maliyyə naziri postu uğrunda mübarizə aparır

Kreml İranın Rusiyaya yaxın mənzilli raketlər göndərməsi ilə bağlı yayılan məlumatları yalan adlandırıb