Kreml İranın Rusiyaya raket tədarükü ilə bağlı yayılan məlumatlara münasibət bildirib.

APA-nın Moskva müxbiri xəbər verir ki, Rusiya prezidentinin mətbuat katibi Dmitri Peskov yayılan məlumatları yalan adlandırıb.

“Biz bu məlumatı görümüşük. Bu cür məlumatlar reallığa uyğun gəlmir", - deyə Kremlin sözçüsü “The Wall Street Journal”ın İranın Rusiyaya yaxın mənzilli raketlər göndərməsi ilə bağlı materialı ilə bağlı sualı cavablandırıb.

Peskov vurğulayıb ki, İran Rusiyanın mühüm tərəfdaşıdır:

"Biz ticarət-iqtisadi əlaqələrimizi inkişaf etdiririk. Bütün mümkün sahələrdə, o cümlədən ən həssas sahələr üzrə əməkdaşlığımızı və dialoqumuzu inkişaf etdirir və bunu iki ölkəmizin xalqlarının maraqları naminə davam etdirəcəyik”.

Oxşar xəbərlər

Kreml İranın Rusiyaya raket tədarükü ilə bağlı yayılan məlumatlara münasibət bildirib

Kreml Kurska çağırışçıların göndərilməsi ilə bağlı məlumatlara şərh verməkdən yayınıb

Peskov: Kreml Pavel Durovun neçə vətəndaşlığa malik olduğunu bilmir

Rusiyada yeni səfərbərlik elanı müzakirə olunmur

Peskov: Kreml Şoltsun Ukrayna ilə bağlı “sülh planı”nı mediadan eşidib